Поддршка, едукација и вистински моменти

Светска недела на доење 2024

И оваа година, по повод Светската недела на доење, Јасна (@bebelogija) и Наташа (@doenje_so_ljubov) – меѓународно сертифицирани консултантки за доење – повторно ни приредија инспиративна и исполнета програма. Со длабоко знаење и вистинска емпатија, тие секојдневно им помагаат на мајките полесно да се адаптираат и да изградат самодоверба во процесот на доење.

Секоја година нивната програма изобилува со едукативни теми, отворени разговори и корисни совети за доењето. Но оваа година – 2024 – беше уште посебна. За првпат организираа и настан во живо,

каде што мајки, бебиња и поддржувачи се собраа на едно место, создавајќи заедница која се негува со разбирање, топлина и многу љубов.

Имав чест и задоволство да го покријам овој настан со фотографија – и да ги овековечам сите тие мали, но значајни моменти: насмевките, прегратките, погледите полни разбирање…
Тоа не беше само документарна фотосесија – туку визуелна приказна за заедништво и поддршка.