Школа за брзо читање и мудро учење

Бизнис Брендинг Фотосесија за Јулија и Нејзиниот бизнис

Имав чест и задоволство да работам на бизнис брендинг фотосесија за Јулија, мајка на три близнаци, која својата љубов кон децата и нивната едукација ја има преточено во своето школо за брзо читање и мудро учење. Ова школо е место каде што Јулија и нејзиниот тим ги учат децата на техники и методи за подобро совладување на училишните предмети на забавен и интерактивен начин.

Јулија ја подготвува веб страницата за школото и сакаше професионални фотографии кои ќе го прикажат нејзиниот центар, наставата, амбиентот и просториите. Сакав да уловам моменти кои ја прикажуваат динамиката на учење, радоста на децата додека учат и соработуваат, како и топлиот и инспиративен амбиент кој Јулија го има создадено.

Фотосесијата ја започнавме со фотографии од интерактивните часови, каде што децата со насмевка и ентузијазам ги применуваат техниките за брзо читање и мудро учење.

Просториите на школото се светли, пријатни и исполнети со едукативни материјали. Сакав да ја доловам таа атмосфера преку фотографии кои ги истакнуваат уреденоста и инспиративната средина која ги поттикнува децата да учат и да се развиваат.

Фотографиите се создадени за да ја прикажат уникатната едукативна средина која Јулија ја има создадено и да ги инспирира родителите да ги запишат своите деца во нејзиното школо. Тие се одличен додаток на нејзината веб страница.