Што се мини фотосесии и зошто се толку посебни?

Како фотограф за мајчинство, деца и фамилии, постојано се стремам да ги овековечам најдрагите моменти на моите клиенти во најдоброто можно светло. Еден од најдобрите начини да го постигнам тоа е да фотографирам за време на “златниот час”. Во овој блог, ќе објаснам што е златниот час и зошто е толку важен за фотографијата на отворено.

Малите моменти носат најголеми спомени.

Што се мини фотосесии?

Мини фотосесиите се кратки, тематски фотосесии кои обично се организираат за одредена сезона или повод – на пример за Нова година, Денот на мајката, Валентајн или есенските магични денови. Тие се поразлични од регуларните фотосесии затоа што траат пократко, имаат понизок број на фотографии, а цената е попристапна.

Сепак, токму ова ги прави идеални за сите кои сакаат да искусат како е да работат со мене како фотограф – пред да се решат за целосна, регуларна фотосесија.

Како изгледа една мини фотосесија?

За секоја мини фотосесија однапред подготвувам сетап, секогаш во мој стил:
✨ неутрални бои,
✨ природна и хармонична атмосфера,
✨ без вештачки, печатени позадини што изгледаат нереално.

Најчесто фотографиите ги правам на отворено, во природа. Тоа овозможува не само сетот да изгледа природно и топло, туку и кога децата не сакаат да седат мирно – имам можност да ги уловам во нивната игра и движење, што честопати резултира со најубавите фотографии.

Бидејќи фотосесијата е на отворено, сите материјали и пропсови ги носам и ги поставувам на локацијата. Затоа овие фотосесии секогаш се реализираат со ограничен број термини (8–10), кои однапред ги објавувам на мојата продажна страна.

Резервирањето е едноставно: со онлајн уплата си го обезбедувате местото, а потоа добивате пристап до календар каде што го бирате терминот што најмногу ви одговара.

Зошто мини фотосесии, а не студио?

📸 Предности:

✨Природното осветлување е секогаш подобро и дава фотографии кои изгледаат живо и вистински.

✨Атмосферата е опуштена и децата имаат слобода да се движат.

✨Добивате уникатни кадри што се невозможни во ограничениот простор на студио.

⚖️ Недостатоци:

✨Термините се навистина ограничени и се пополнуваат брзо.

✨Времето е фактор – бидејќи снимаме надвор, мора да се надеваме на сонце или барем сув ден.

Сепак, искуството и резултатите секогаш го надминуваат ова. Фотографиите направени во студио честопати изгледаат вештачки, дури и кога позадината е „наместена“ да изгледа како природа. Недостатокот на природно осветлување таму е речиси невозможно да се надомести без екстремно добро осветлување и многу пост-едитинг.

Моето искуство досега

Минатата година започнав со мини фотосесиите и досега ги имам реализирано за:

✨Новогодишни празници 🎄

✨Валентајн ❤️

✨Денот на мајката со заедничко боење 🎨

✨Бесплатна фотосесија по повод 8-ми март 🌸

Оваа година планирам да воведам и Велигденски фотосесии во април, како и есенски фотосесии во октомври.

Она што најмногу ме радува е што клиентите секогаш си заминуваат презадоволни и многумина повторно се враќаат за следните фотосесии.

Зошто овој концепт е посебен?

Во Америка и другите западни земји мини фотосесиите се вистински хит веќе со години. Кај нас, пак, речиси и да нема фотографи кои работат по овој принцип – надвор од студио, со природен сетап и однапред ограничени термини.

Можеби ова е ново и необично, но верувајте – магијата на ваквите фотосесии вреди да се искуси.

Бидете дел од оваа магија ✨

Ве поканувам да бидете дел од следните мини фотосесии кои ги организирам. Термините секогаш ги објавувам на мојата Instagram страница, каде што контактот со вас ми е најблизок и најбрзо можете да се информирате за сите новости.

Не ја пропуштајте можноста – бидејќи термините секогаш се ограничени, резервацијата навреме е клучна!